Via Dei, le chemin de Dieu

«Je suis le chemin, la vérité, et la vie. Nul ne vient au Père que par moi.»
Jean 14:6
1 סוֹף דָּבָר אַחַי הִתְפַּלְלוּ עָלֵינוּ וּדְבַר יְהוָֹה יָרוּץ וְנֶאְדָּר כַּאֲשֶׁר נֶאְדָּר הוּא בָּכֶם׃ 2 וְלָנוּ תִהְיֶה פְלֵיטָה מִמְּתֵי אָוֶן וְאַנְשֵׁי רֶשַׁע כִּי לֹא כָל-אֲנָשִׁים אֱמוּנָה בָם׃ 3 אַךְ אֲדֹנֵינוּ נֶאֱמָן הוּא אֲשֶׁר יְעוֹדֵד אֶתְכֶם וְיִשְׁמָרְכֶם מִן-הָרָע׃ 4 וַאֲנַחְנוּ סְמוּךְ לִבֵּנוּ בַּאֲדוֹנֵינוּ כִּי-עֹשִׂים אַתֶּם כְּמִצְוָתֵנוּ וְכֵן תַּעֲשׂוּ בַּיָּמִים הַבָּאִים׃

5 וַאֲדֹנֵינוּ יַטֶּה אֶת-לִבְּכֶם לְאַהֲבָה אֶת-אֱלֹהֵכֶם וּלְהוֹחִיל לִמְשִׁיחֲכֶם׃ 6 וַאֲנַחְנוּ מְצַוִּים אֶתְכֶם אַחֵינוּ בְּשֵׁם יֵשׁוּעַ הַמָּשִׁיחַ אֲדֹנֵינוּ לְהִבָּדֵל מִכָּל-אָח הַהֹלֵךְ בְּדֶרֶךְ עִקֵּשׁ וְלֹא לְפִי הַקַּבָּלָה אֲשֶׁר קִבֵּל מִמֶּנּוּ׃ 7 הֲלֹא יְדַעְתֶּם אֵת אֲשֶׁר עֲלֵיכֶם לָלֶכֶת בְּעִקְּבוֹתֵינוּ כִּי לֹא כִנְלוֹזִים בְּמַעְגְּלוֹתָם הָלַכְנוּ לִפְנֵיכֶם׃ 8 וְלֶחֶם אִישׁ לֹא אָכַלְנוּ חִנָּם כִּי אִם-בְּעָמָל וּבִתְלָאָה לַיְלָה וְיוֹמָם לְבִלְתִּי נִהְיֶה עַל-אִישׁ מִכֶּם לָטֹרַח׃ 9 לֹא מֵאֲשֶׁר אֵין-צְדָקָה לָנוּ כִּי אִם-לִהְיוֹת לְמוֹפֵת לָכֶם בְּנַפְשֵׁנוּ אֲשֶׁר תֵּלְכוּ בְּעִקְּבוֹתֵינוּ׃ 10 כִּי גַּם-בִּהְיוֹתֵנוּ עִמָּכֶם צִוִּינוּ אֶתְכֶם לֵאמֹר אִם מָאֵן יְמָאֵן אִישׁ לַעֲשׂוֹת בִּמְלָאכָה גַם-אָכוֹל לֹא יֹאכֵל׃

11 כִּי שָׁמַעְנוּ כִּי-יֵשׁ בָּכֶם אֲנָשִׁים מְעַקְּשֵׁי דֶרֶךְ אֲשֶׁר לֹא יִיגְעוּ בְדֵי מְלָאכָה כִּי אִם-יִיגְעוּ בְדֵי רִיק׃ 12 וְאֶת-אֲנָשִׁים כָּאֵלֶּה אֲנַחְנוּ מְצַוִּים וּמְבַקְשִׁים מֵהֶם לִפְנֵי יֵשׁוּעַ הַמָּשִׁיחַ אֲדֹנֵינוּ לַעֲשׂוֹת בְּנַחַת מְלַאכְתָּם וְלֶאֱכֹל אֶת-לַחְמָם מִיגִיעַ כַּפֵּיהֶם׃

13 וְאַתֶּם אֶחָי אַל-תִּהְיוּ עֲיֵפִים בַּעֲשׂתְכֶם טוֹב׃ 14 וְאִישׁ אֲשֶׁר לֹא-יִשְׁמַע אֶת-דְּבָרֵנוּ בָּאִגֶּרֶת הַזֹּאת הַתְווּ אֹתוֹ לְבָד וְלֹא תִתְעָרְבוּ בְחֶבְרָתוֹ לְמַעַן יֵבוֹשׁ׃ 15 וְאַל-תַּחְשְׁבֻהוּ לְאֹיֵב כִּי אִם-הוֹכֵחַ תּוֹכִיחוּן אֹתוֹ כְּאָח׃

16 וַאֲדוֹן הַשָּׁלוֹם הוּא יִתֵּן לָכֶם שָׁלוֹם בְּכֹל אֲשֶׁר תִּפְנוּ כָּל-הַיָּמִים וַאֲדֹנֵינוּ יְהִי עִם-כֻּלְּכֶם׃ 17 זֹאת שְׁאֵלַת שָׁלוֹם בִּכְתָב יָדִי אֲנִי פוֹלוֹס אֲשֶׁר הוּא לְאוֹת בְּכָל-אִגְּרוֹתַי כָּזֶה אֲנִי כֹתֵב׃ 18 חֶסֶד יֵשׁוּעַ הַמָּשִׁיחַ אֲדֹנֵינוּ עִם-כֻּלְּכֶם אָמֵן׃


     


 
Site créé à la gloire de Jésus-Christ